L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Pott aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Pott bandaren praka (1979-uztaila) —Hurrengo artikulua




 

 

Xetienbre Nero

 

Gure herriagatik

         zerbait egitera,

                   kondenaturik jaio geranok,

         ezkutatzen ez duzutenak

                                     begiak lehio atzeetan

                      Thor eta Odinetik

                                           deituak izanak

                                      goizero

                      jaitsi egiten den behia bezala.

                          Klorofila hatsa

                                           zuen eztarrietatik

                                   beti darizue,

                               dentrifiko

                      Aleman, Ingles edo Frantses hori

                                   parkearen estalkian

                                            zuen maiteinorekin exertzen zeraterean

                                   irriparrez aho beteka,

                          mespretxurik

                                           ez duela behar

                                  galantkeria

                                                      erakusten,

                        perfume sufiziente hoiekin

                                         ornitzen beti zuen txaketak,

                                      galtzetaraino beti

                                                         zerbait

                                                              irixten dela

                                          eta kaspa apur bat

                                                      amerikanaren lepoan,

                                     noizbait ere marihuana dastatu

                                                  duzuela,

                                                gaueko ordu infinitoetan,

                                    Pinck Floyd edo Benito Lertxundi

                                                                   entzuten,

Sekolan, nere etxera, ama eta katuarekin afaltzera etorri ez zeratenak,

                                baina edozein egunean

                            Errestaurante batetan gonbidatzen duzutenak,

                            eta Rock konzertu bat

                    behin bakarra entzun dezutela,

                                    zurrunkaka eta erdi lo gaueko hamabietan,

                            bederatzi milimetrotakoa bere zorroan

                                                       briloa ateratzen gauetan

                                             jendea

                                                       hinko kaioak

                                                               kaleetatik paseatzen.

2-3-79

(Goizeko 5 1/4 gutxitan)

 



Literatur Aldizkarien Gordailua Susa argitaletxearen egitasmoa da.