L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Pott aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Pott bandaren praka (1979-uztaila) —Hurrengo artikulua




 

 

egunen bateko alabari

eguzkiaren zazpigarren gelaraino haraman zubiak

zutik dirau ispiluzko etzaleku horian

ez dun negarrik egiten

heriotzaren seme-alaben hilobietako hauts gainetan

ez haiz arratseko haize burrunbadak

lurperaturiko izpia izanen

zabaltzen ditun sareak beirazko mozorroak hurbiltzean

eta erreparatzen haiz hegal azkarretaz

aurreko oihanetan izen bat brodatzen

izenik gabeko zirkuluak deskribatzen

ez haiz uhinek urrezturiko gizakia baizik

eta uzta berrantkorraren emaitza ene eskuen anguloetan

emekiro bizi haiz amapolez ezabaturiko zelai batetan

gaur intxaur zaharrak jango dizkinagu

oinak ohe garden ertzetik eskegita

orduen isladak ispilu konkaboen hizkerara berdindurik

 



Literatur Aldizkarien Gordailua Susa argitaletxearen egitasmoa da.