L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Ustela aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Panpina Ustela (1975-urtarrila) —Hurrengo artikulua




 

 

 

k. izagirre vrreaga

1975...

 

Abioien isatsek airearen eskeletoa dibujaturik.

Bezpera luze honetan

ene pena zoriontsuegia da poetarena izateko

uhinen aparretik ihes doazen

                                                               txinpartek

                                                            urezko ezpalek

beren aterki zuria zabaltzen duten kaiuak

                                                                dirudite.

 

Itzalaren hamairugarren hilean

ereiniko hitzak

                                                                     zer

ene herriko gizonak ohi bezala kea fabrikatzera doaz.

Itzalaren hamairugarren hilean

eguzkiari utzitako ispilu-pusketa itzul diezadaten

                                                             nahi dut

                                                            itzul diezadaten

hura ere hau bera pentsatzen ari ote da

edo ta ni pentsatzen ote nau.

 

Bezpera luze honetan

haizeak nik ere jotzen jakin nahi nukeen

                                                                 kitarra

                                                            jotzen du

ene begien ilunabarra neurtzen duten

argi-kableetan

                                                                 kitarra.

 

Bezpera luze honetan

                                                                 bakarrik

                                                                 bakarrik

poetaren pena epela

                                                                               dekadentea.

 



Literatur Aldizkarien Gordailua Susa argitaletxearen egitasmoa da.