L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-4 (1982-urtarrila) —Hurrengo artikulua




 

 

Mikel Antza

 

poema baten gezurretik sortuko bazindut

ez zenidake eskertuko

laino galdua izango nintzateke zuretzat

piskanaka ausnartuko zenukeen bruma tristea

horregatik, baldosen, jendeen ekaitzean

bilatzen dizkizut zapata TXURIAK

nahiz eta telefono hotsak aurretik

zitatu zaituen nirekin

ozeano berdearen (h)ondoko haitz horian

 

 

Ausentzia

 

uztailetik uztailera dijoan bidean (garidiak)

usteldu, berdetu eta horitu (garidiak) dira.

zaintzen espresioa toldorik gabeko hondartzetan,

palmondo negartien alboan izkribatzen du poesiak,

estatua eta poesia, poeta hilen mundu apokaliptikoan

(agian Poe.ren busto bat kakaztuko du beleak).

eta itsaso horiaren hertzean amapola bat

beleen barku beltzei faruak pizten,

eta itzaltzen gure ilargiaren argi berreskuraezinean,

maindire eta whisky tarteko intimitaterantz.

 



Literatur Aldizkarien Gordailua Susa argitaletxearen egitasmoa da.