L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-6 (1982-azaroa) —Hurrengo artikulua




 

 

Felipe Juaristi

 

Ez nekiela zer egin geratu nintzen

zu joatean

           trenbide hotzeko bakardadean,

—jota, agian—

malkoak hiltzen ziren ene aurpegian

gure gorputzek ez baitakite

           distantziaz,

           isiltasun borobilez.

Ez nekiela zer esan geratu nintzen

zuk ihes egitean

           geltokiko anden latzean,

—azken uneak dastatzen, beharbada

tristura astunak itotzen ninduen,

gure ahoek ez dakitelako

           agurrez,

           ikusi arte hitzez.

 

 

 

Kezkura etsipengarriak inbaditzen hau

ameslari kalera begiratzen dunanean,

eta bakarrik aurkitzen duk hire burua.

hain bakarrik, hire bakardadea uki

                                    dezakenalarik.

Ene maitea, ez iezaien

urra hazaten utz

gau pasarikoen,

ametsek lo egiten duten leku berean

lo egiten duten laztanen.

horitzen ari diren oroitzapenei.

 



Literatur Aldizkarien Gordailua Susa argitaletxearen egitasmoa da.