L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-29 / Polizia (1992-abendua) —Hurrengo artikulua




 

 

Txakurrak bihotz onekoak dira

 

Andoni Tolosa

 

Ados

txakurrak bihotz onekoak dira

izua berriz sekretua

oinazea norbanakoaren amarauna

eta itziarrek ez du semerik

funtzionaria da

orain geu gara merzenario

salbuespenen merzenario

eta tortura parentesi bat

ertzik gabeko parentesia

 

ados

txakurrak maitemintzen dira

gu mamu larrutzen ari ohi gara

ordea

komisaldegi margotu berrietan

 

aurki

ezizen bat beharko dugu memoriarentzat

txakurrak guardasolekin biltzen bait dira

parketan

lekukorik ez ordea

ustezko aparkalekuetan so

ados

txakurrek telefonoz esnatzen dute

leunkiro

gure forense grina

 



Literatur Aldizkarien Gordailua Susa argitaletxearen egitasmoa da.