L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Ttu-ttuá aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Ttu-ttuá-0,5/0,6 (1985-udazkena) —Hurrengo artikulua




 

 

Poemak

 

Maite Urkia

 

 

Egunez egun

 

Egunerokotasunaren ur geldoetan

itotzear nagoenean,

barne xokoetan sorturiko garraxiak

lehorrera laguntzen nau,

eta han,

azken tantak astindu ondoren

bizitzaren bila hasten naiz,

zelaietan, maldetan, kaleetan,

gizon emakumeen bihotzetan.

 

 

 

Eroria

 

            Trena badoa

            tunelez tunel

            herriz herri,

            trenean noa

            ametsez amets

            hitsez hits

 

Urrunera doakit gogoa

arratsalde apal astunak

leihoak isten dizkidanean;

urrunean egon nahi nuke

ene zentzuak oro

moteltzen direnean.

 

Pozaren altzoan labainduz

amildu naiz tristeziara,

eta hain da sakona

hain da iluna tristezia,

irtenbidea ezin topa nabilela.

 

            Bitartean,

            trena badoa

            tunelez tunel

            herriz herri,

            eta jendea trenean

            ametsez amets

            hitsez hits.

 



Literatur Aldizkarien Gordailua Susa argitaletxearen egitasmoa da.