L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Txistu y Tamboliñ aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txistu y Tamboliñ... y va, le mata, y vuelve (1984-azaroa) —Hurrengo artikulua




 

 

Lorelei

(kaleko edozein neska tentagarriri)

 

Stefan Agirreurreta

 

Zurekin estraposatzean

burua korapilatu

eta gorputza dorpetu egiten zait.

 

Eskuak non sartu ez dakidalarik

agurtzeko eran pentsa dezaket bakarrik.

 

Estutuko zintuzket nire kontra

zure besoetan zorionez enpatxatzeraino.

Zure usai goxoz mozkortu.

 

Ixiltasunean,

ehundaka orri betetzeko moduko jestua jaso

zure begi transparenteetan.

 

Nire birgino esku dardartiek

zure gorputz biluzian pasiatu.

Zure bragatxoak bajatzeari ekingo nioke

zortzi orduz segidan (soldataren ardurarik gabe)

 

Eder eta suabeegia zarelako

ez zintuzket semenez lohitu beharko

baina...

hainbeste desira zaitzaket!

 

Lastima

nire amak

behin eta berriz

gantzontzilo infantil zulatu eta ipingiz konponduekin

bidaltzen nauela etxetik

nire birgintasunaren garantia segurtatzekotan,

baina tontakeri hau

konprenituko duzula uste dut.

 

Musikarik ez dugu behar

arnashotsa bada.

 

Baina gaur ere

ez didazu begiradarik eskeintzen

eta

begien aurrean espaloi huts hotza

aurkitzen dut soilik dastagai.

 

Mierdaputa.

 



Literatur Aldizkarien Gordailua Susa argitaletxearen egitasmoa da.