I.B.M.

     Close your eyes please.

Beltz potola batek kantatzen duen

Blues erromantikoaren estribiloa izan daiteke.

     Close your eyes please,

eta biok bat bihurtu arte besarka nazazu...

Edo eta izan daiteke freskagarri berri

Eta, menta saporedunaren publizitate kanpaina

Garestiaren esaldi nagusia:

     Close your eyes please,

Eta dasta ezazu amazonetako euriak

Lore basatietan zehar iraganez

Harturiko sapore dibinoa!!

     Close your eyes please,

Esan diezaioke ileapaindegian (pelukeria ohian)

E.T.A. hitza entzutean arro jartzen den

pelukerak berrogeitapiko urtedun etxekoandreari.

Edo E.T.A. hitza entzutean amorratu egiten den

pelukerak erromerian pentsatzen ari den

neska lelatxoari (egia esan E.T.A.ren arazoak ez dauka zerikusirik)

     Cllose your eyes please,

Eta frekiloa ebagitzen dion bitartean

Eskuak begiak eta berbak arin erabiliz. Batez ere berbak

Eta eskuak eta begiak. Ezdakitzenbatgarrenez

Entzun behar du semeak eklipse de luna

Edo de sol (oraindik ez baita kontalaria ados jarri) batean

Zelan galdu zuen bista jaramonik ez egitearren

Beti izan da nahiko okerra Iker

     Close your eyes please,

Esango zion kondizu optikoak Ikerri

Bi bider okerrak ziren begien diotriak

Aztertzeko eta umearen begirada sakona

Baino askoz laketago txakurrarena zitzaiolako.

     Close your eyes please

Kuttuna! eta etxeko intimidade babestsuan

Txakurrak ezer ulertu ez arren

Musuaketahori onartzen zituen

Ze egia esan optikoak ere ez zuen ulertzen

Animalien fondogabeko begiradak zergatik

Ematen zion plazer eta musugura.

     Eta Close your eyes please,

Esan diezaioke poetak lektoreari

Eta jaramonik egingo balio (lelo)

Poema amaiera ezagunik ederrena litzateke

     Close your eyes please!