L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Txistu y Tamboliñ aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txistu y Tamboliñ... y Euskadi el país menos movido: el que no está parado está detenido (1986-azaroa) —Hurrengo artikulua




 

 

Bere eskuz umezurtzarenak

 

F.E.

 

Mila zortzirehun urte

pasatu direna

Jesus jaio ezkero

Otsailak azkena

konfesatzera noa

alik ondoena

arima garbitzeko

ez nadin kondena

laster pagatuko dut

zor dudan krimena.

 

Umetan eskolarik

ezagutu gabe

aisa hazten da haurra

piztiaren pare

gero inorantzian

mila hatsekabe

galburu makurtua

ez liteke tente

hori uler dezanak

ni uler nazake.

 

Aita nuen gizona

maite ninduena

haren laztanak urrun

aditzen zirena

amak ere maizenik

haren portamena

aboan didarra ta

eskuan mimena

ez nekike bietan

zein ote txarrena.

 

Argitu gabe jaiki

ilunduta bildu

bitarteko erritak

hobeto ixildu

ardien aitzakitan

etxetik ohildu

gazteak mespretxua

jasateko zail du

hola bizi baino hobe

burua amildu.

 

Ni mendian tristerik

ardien guardian

etxera heldu eta

oro erasian

kulpa gabea azkenik

negarrez galdian

zertan huts egin duen

gaixoa antsian

San Migelek anpara

holako tranzian.

 

Negarrek eta plantek

ez zuten balio

egun txarra bazuten

ez ziteken fio

gaiztoari debruak

laguntzen baitio

ni jotzeko bazuten

mila proporzio

ez ziren konsolatzen

zehatu ardo.

 

Igandetan kalera

biak jaixten ziren

etxean zakur ona

ni utzi ondoren

katea ezartzea

zitzaien hazten

gogoratu ezkero

fite eginen zuten

mezak haien premia

ez dut uste zuen.

 

Gaztaroko denbora

denbora samina

nere buruarekin

bost negar egina

lagunetara inoiz

agertu ezina

guraso gaizto haien

debeku jakina

mendeku hartzekoa

egin nuen zina.

 

Hogei eta bi urte

bete egunean

Otsailak hogei zitun

elurra ari zan

aita oihuz ohera

hurbildu zitzaidan

"Haika gazte petrala!"

aginduz emitan

puñal batez lepoa

moztu nion bertan.

 

Haren oihuetara

ama ere agertu

ikuskizun harekin

konortegabetu

ene baitan odolak

burua itsutu

sarde zorrotz batekin

ama akabatu

zeruko ateak hola

neronek zarratu.

 

Lan hori egin eta

handik zenbaitera

auzoko agure bat

agertu etxera

harek errana dakit

orduko afera

aita erraran eta

ama buruz behera

ni gorpuei begira

zotin da ikera.

 

Ordu txarrean nintzan

jaio dohakaitza

ojala ama nitaz

erdi ez balitza

gogorkeriak beti

loturik gabiltza

arimak hori kalte

Satanek garaitza

zuhurrak ene hitzak

konsidera bitza.

 

Kondenatu bitarte

ez nun izan onik

gaizkira nengoela

etzana uste nik

benganzaren ardoak

zorabiaturik

gaztetasun eroak

azpitik hartutik

denbora ez denean

eskarmentaturik.

 

Zeruko Erregina

gloriaz betea

noragabe hontako

ostatu emea

erruki zakizkigu

badator epea

damu dut urratua

jainkozko legea

amen barka ezazu

nere maldadea.

 

Arimaz bero baina

gorputzez izotza

zeren egongo naizen

gaur bertan hilotza

pentsamentu horrekin

larritu bihotza

fede handia baina

adorea motza

hau da urkamendiko

haizearen hotza!

 



Literatur Aldizkarien Gordailua Susa argitaletxearen egitasmoa da.