|
Isaac Vencejo
SCHOPENHAUER
Zezena adarretatik heldu nahi
eta zezenik ez edo
zuzendaritzara heltzea
zuzena izan gabe.
Baina hau esan zizutenean
ez zuten pentsatu
behi apatxak zapalduta
ospitale honetara ekarriko zintuztenik.
AVERROE
Materiaren eternitatearen
arabera
Espainia zuena da.
Txuringodolezko zaldunek
ez daukate inolako eskubiderik,
gainera nahiko lanpetuta dabiltza Iparraldean
ipurdirako sendabelarrak bilatzen.
BOECIO
Ordenagailuen alegiazko errealitatea
eta
eguneroko ildurazko lanaren artean
sortzen da
nire poesia.
Baina sukar guztiak
ez dira aspirinaz sendatzen,
eta gaixotasun hau
Grezia eta Erromatik
pasa eta gero
Erdi Aroan jaustea bezalakoa da.
MOLINEUX
Itsuaren kasuan
arazoa ez datza
irakurmena ala ukimenean,
ezikusiarena egiten dugunongan baino
edo begiak nirrotuz
betaurrekoez oroitzen garenean.
E.M. CIORAN
Ez dakizula zer den
gehien amorrarazten zaituena?
Normala,
konturatu zinen
zure azukre tontorra erre eta
flanaren azpian
jarri zizutela,
idulezterakoan
jatera zindoazela
nazka harturik
oka egin zenion gainean.
EPICURO
Bizi naizeno
ez naiz heriotzaz gogoratzen
hil eta gero ez naiz gogoratuko.
Herio fikziozkoa
ez gaituk hire beldur
Mari geure alde zeukeagu
suzko igitaia prest zeukak
heu hiltzeko.
MARX
Izan iragankorra
eta
izan iragangaitzaren artean
zer izango denaren aiduru jaio zinen.
Ba al zenekien "bazkaldu" aditza
iparraldean iragangaitza dena eta aldiz
iragankorra hegoaldean?
Hau kontraesana 3. mundukoentzat!!!
WITTGENSTEIN
Fisikalariek jokoz kanpo
utzi zaituztela diote,
horregatik sartu haizela
hitzen tratulari.
Alabaina mintz denak
ez du inoiz izango
barrukoaren berri.
FREUD
Hipopotamo inobreak dira
gure burmuineko azi-orraziak.
izan ere beren alabekin narrutan egiteak
zorte ona ematen die
egunsentiarekin etorriko diren
hipopotamoen ehiztariei.
PLATON
2000 urtetan egindako philosophia
hire saioei oharrak jartzea
izan omen da.
Ideien txerpolariagorik
hats iraskorragorik
ez da izan,
eta guzti hori inmuno eskazia aipatu gabe.
| 
