L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Txortan aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txortan-1 (1984-udaberria) —Hurrengo artikulua




 

 

Sentimenduen geltokia

 

jl-x-63

 

Trenez eginiko bidaian

geltoki bakartietan

ene begiek

esku leun eta ferekatzaile batek

        pinta ditzan nahi dute.

Sentimenduen ibilaldi elektrikoa

geldierazi nahi duen

eta existitzen ez den

blues dardarti eta motel batek

eztiro erotzen eta goibeltzen dit

ez dakit zer, urdaila edo.

Geltokiaren ikusketa

lainotu eta lausotu egiten da

betikoratuko duen eskuaren zeinua

        sentituz

eta lo egiteko prestatuz.

Arpegien misterioak

elurpeko umeak dira.

Zoluko zikinen kasualitateetan

murgiltzen naiz gozo, emeki, lasai.

Geltokia nerekin ados sentitzen dut,

bere begi ezkutuak

nere esku leun eta ferekatzaileak

        pinta ditzan nahi dute.

 



Literatur Aldizkarien Gordailua Susa argitaletxearen egitasmoa da.