L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 11. alea (1998-iraila) —Hurrengo artikulua




 

 

Xabier Aldai

 

etxera itzuliak gara hildakoen legezko

memoria defendatzera eta bide batez

bizi direnengandik idazteko xedez irudien gosez

gure gosea hain zaharra hain lehensemea dela esateko

ezen eta galdu zirenak edo eraitsi edo deuseztatu

edo desitxuratu edo gainapainduak

baztertu eta faltsuki izendatutako

sasoialdi guztietan batera aztertu ditugun

 

iragan bakoitzaren bisaiak jaiki ahalko duten

ni bezala lagunen gorpuen ondoan hiriaren erdi minetan

bira bat emanez gogorarazten nauzu gogoan zaitut

telebista pantailetan zatitu gintuzten odolezko

malkoak isurtzen ez dituzten kameren begiek

bildumatzaileen zigilu beilaska garestietan

kaleetan zehar haizeak daramatzan

egunkarien orrialdeetan barne eta ez da aski izango

 

                hauxe duzu bizi nahi dutenen guda

mihi purpuratuen amapolak babesten zituzten

orri arantzadunak bata bestearen ondoren

batak besteari.



Literatur Aldizkarien Gordailua Susa argitaletxearen egitasmoa da.