L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Zantzoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zantzoa-4 (1997-negua) —Hurrengo artikulua




 

 

Begirada okerren izkinetatik

 

Shaktale

 

Begirada okerren izkinetatik entzun daitezke

isiltasunaren seme-alaben orroak.

Mendeku egarri, gorrotoaren ahotsak.

Ezberdintasunaren hilobian ehortzitako arimak

behin eta berriz bizirik irautearekin ametsetan.

Injustizia eta lanak zaildutako eskuek

amorruaren aizkora desehortziko dute.

Gatazkaren odola isuriaraziko

sistema establezituaren aurka diharduten

lubakietako aktibistek.

 

Ghetto setiatutik aterako dira,

ideien kontrabando hutsean aritzeaz nekatuta.

Porrotaren bilobek ez dute arrazoiarengan sinesten,

ganibetaz, itxaferoz, molotov koktelez

erahilgo dituzte

amodioaren intifadaren aldarrikatzaileak;

behingoz, historiaren pentagraman,

benetako askatasun,

               berdintasun,

               justiziaz

blaitutako notak idazteko.

Zapalduen diktadura ezarri

eta bihotzean daramaten mundu berria

egiazko bilaka dadin.

 



Literatur Aldizkarien Gordailua Susa argitaletxearen egitasmoa da.